په الاقصی جومات او د نړۍ په مختلفو هیوادونو کې د شهید اسماعیل هنیّه لپاره د جنازې غایبانه لمونځ اقامه شو
ایکنانیوز د رای الیوم خبری سایټ له قوله راپور راکړ،د قدس د اسلامی اوقافو ادارې په یوې اعلامیې کې ووئیل، چې د الاقصی جومات د جمعې په لمانځه کې دیرش زره کسانو ګډون وکړ او د جمعې لمانځه له اقامې وروسته د شهید اسماعیل هنیه قدرمن او لوی مجاهد د روح لپاره د جنازې غایبانه لمونځ هم اقامه کړ.
د الاقصی جومات خطیب شیخ عکرمه صبري د جمې لمانځه په دوران کې ددغه جومات له منبره د اسماعیل هنیه د شهادت تسلیّت ووایه او ددغه شهید مجاهد لپاره ئې لمونځ ادا کړ.
ددغه راپور په اساس، لمونځ ګوزارو، چې د صهیونیسټ رژيم د پوځيانو له سختو محدودیّتونو سره سره ئې ځانونه الاقصی جومات ته رسولي وو، د الله اکبر و الله الحمد شعارونه ورکړل.
همداراز فلسطینیو سرچینو د فلسطینیانو په وسیله د جمعې لمانځه له ترسره کیدا سره په یووخت د غزې،لویدیځي غاړې، او قدس په شمول د فلسطین په ګوټ ګوټ کې د شهید اسماعیل هنیّه د روح لپاره د لمانځه د اقامه کولو خبر ورکړ.
فلسطینی خبری سایټ ؛معا؛ راپور ورکړ چې د انډ،نیشیا په ډيرو جوماتون کې هم ددغه هیواد د عالمانو دشورا په بلنه د اسماعیل هنیه، دغزې د او د فلسطین ددرستو شهیدانو لپاره د جنازې غایبانه لمونځ اقامه شو.
په عین حال کې د انډونیشیا د پلازمینې جکارته ښار د ترټولو لوی جومات په عنوان په؛ استقلال ؛ جومات کې دحکومتی مسئولانو او دخلکو د مختلفو پرګنو په شتون او ګډون سره د اسماعیل هنیّه پر روح عایبانه لمونځ اقامه شو.
ددغه راپور په اساس ، دترکیې په لسګونو زره خلکو هم دجمعې په ورځې ددغه هیواد پّ مختلفو سیمو کې د اسماعیل هنیّه شهید د روح لپاره لمونځ اقامه کړ.
همداراز په یمن، پاکستان ،افغانستان،بحرین،اردن ،کویت او ځينو نورو هیوادونو کې هم په لسګونو زره مسلمانانو ددغه لوي شهید مجاهد د روح د ثواب لپاره د جنازې غایبانه لمونځ اقامه کړ او د وحشي اونیواکګر صهیونیسټي رژيم په ضد ئې خپله کرکه ونفرت نندارې ته وړاندې کړی دی.
دا په داسې حال کې ډي چې د پاکستان لومړي وزیر محمد شهباز شریف او ددغه هیواد د پارلیمان استازو د پارلیمان په ودانۍ کې ددغه قدرمن او لوي شهید مجاهد په خاطر لمونځ اقامه کړ.او دغه راز ئې په پارلیمان کې هم د وحشي صهیونیسټي رژیم د سپیر او جنایتکار اقدام په ضد مسوده تصویب کړه او پر نړیوالو اورګانونو ئې غږ وکړ چې د جنایتکار او وحشي صهیونیسټي رژيم د نړیوالو قوانینو د چخڼي کولو په دلیل دې دغه رژيم محاکمه او سزا کړي.
